Perímetro

Un perímetro é a medida do contorno que arrodea unha figura xeométrica ou un terreo. O termo procede do grego peri (arredor) e metro (medida). Ao perímetro dun area circular chámaselle circunferencia.

Usos prácticos

O cálculo dun perímetro ten unha serie de aplicacións prácticas. Pode empregarse apra calcular a lonxitude dun valado necesaria para pechar un terreo ou xardín. ou tamén pode calcularse o perímetro dunha roda para saber a distancia que percorrerá en cada revolución.

Fórmulas

Figura	Fórmula	Variables
Círculo	$2\pi r$	onde $r$ é o raio
Triángulo	$a+b+c$	onde $a$, $b$ e $c$ son as lonxitudes dos lados
Polígono equilátero	$n\times a$	onde $n$ é o número de lados e $a$ é a lonxitude de cada un deles
Polígono regular	$2nb\sin \left(\frac{\pi }{n}\right)$	onde $n$ é o número de lados e $b$ é a distancia entre o centro do polígono e un dos vértices do polígono.
Polígono xeral	$a_1+a_2+a_3+\dots +a_n=\sum _{i=1}^n{a}_i$	onde $a_i$ é a lonxitude do lado $i$ (1º, 2º, 3º … n) dun polígono de n lados.