Tiro parabólico

Emprégase a expresión tiro parabólico para describir o movemento de obxectos cunha traxectoria aproximada á dunha parábola. O termo provén da terminoloxía militar, pois durante moito tempo un dos campos fundamentais da enxeñaría foi o cálculo da traxectoria de proxectís. Un punto que se despraza cunha velocidade inicial na dirección horizontal distinta de cero e se mantén a unha altura reducida, cando no seu desprazamento só actúa a aceleración debida á forza da gravidade describe aproximadamente unha parábola (a desviación debese á variación da forza da gravidade coa altura -diminúe co cadrado da distancia ao centro da terra). Debido a isto, a aceleración só se produce nunha dirección e sentido e o resto do movemento débese unicamente á velocidade inicial.

O habitual é descompoñer tódolos vectores na dirección da gravidade (vertical) e na súa dirección ortogonal (horizontal). Unha vez feito isto obtéñense as seguintes funcións vectoriais:

Posición en x:

$r_{x} = r_{0 x} + v_{0 x} t$

Posición en y:

$r_{y} = r_{0 y} + v_{0 y} t + \frac{1}{2} a t^{2} = r_{0 y} + v_{0 y} t - \frac{g}{2} t^{2}$

Velocidade en x:

$v_{x} = v_{0 x}$

Velocidade en y:

$v_{y} = v_{0 y} + a t = v_{0 y} - g t$

onde $v_{0 x} = v_{0} \cos ϕ$ ; $v_{0 y} = v_{0} \sin ϕ$ , onde $ϕ$ é o ángulo da velocidade inicial respecto á horizontal.

Isto é unha aproximación matemática, nun obxecto real que se move na atmosfera, existe unha forza resistente de sentido contrario ao movemento e que depende da forma do obxecto e da velocidade (pódese aproximar cunha función do cadrado desta).

Véxase tamén

Outros artigos

Modelo:Control de autoridades

Tiro parabólico

Véxase tamén

Outros artigos

Menú de navegación

Procura