Proceso adiabático

Un proceso adiabático é un proceso de transformación termodinámica, é dicir, entre dous estados termodinaḿicos, no cal non hai trocos de calor co ambiente, a pesar de haber variación térmica. A enerxía interna transfórmase en traballo directamente. Coa perda de enerxía interna, hai diminución da temperatura e realización de traballo (aumento de volume). Co gaño de enerxía interna, hai aumento de temperatura e absorción de traballo (diminución de volume). O seu nome ven do grego ἀ-διὰ-βαῖνειν (sen paso a través).

Gases ideais (procesos reversíbeis)

Para unha substancia simple, nun proceso adiabático con aumento de volume, a enerxía interna da substancia diminúe.

A ecuación que pode ser utilizada no estudo básico de transformacións adiabáticas é a Lei de Laplace Poisson:

$P{V}^{\gamma }=\mathrm{constante}$

ondeP é a presión, V o volume, e

$\gamma =\frac{C_P}{C_V}=\frac{\alpha +1}{\alpha },$

Tendo $C_P$ como calor específica a presión constante e $C_V$ como calor específica a volume constante. $\alpha$ é o número de graos de liberdade dividido por 2 (3/2 para gases monoatómicos gas, 5/2 para diatómicos). Para un gas ideal monoatómico, $\gamma =5/3$, e para un diatómico (como o nitróxeno ou osíxeno), $\gamma =7/5$.

Para procesos adiabáticos reversíbeis, é tamén certo que:

$P^{\gamma -1}{T}^{-\gamma }=\mathrm{constante}$

$V{T}^{\alpha }=\mathrm{constante}$

onde T é temperatura absoluta.

Isto pódese por como:

$T{V}^{\gamma -1}=\mathrm{constante}$

Pola contra nun proceso adiabático irreversible prodúcese un aumento de entropía específica