PLCE1

De testwiki
Saltar á navegación Saltar á procura

Modelo:ProteínaA PLCE1 ou 1-fosfatidilinositol-4,5-bisfosfato fosfodiesterase épsilon-1, tamén chamada fosfoinosítido fosfolipase C épsilon 1 (Modelo:EC number), é un encima que nos humanos está codificado no xene PLCE1 do cromosoma 10.[1][2][3]

Cataliza a reacción:[4]

1-fosfatidil-1D-mio-inositol 4,5-bisfosfato + H2O ⇌ 1D-mio-inositol-1,4,5-trisfosfato + diacilglicerol

Está localizada na membrana do aparato de Golgi. Exprésase amplamente nos diferentes tecidos do corpo humano. É un isocima do encima fosfoinosítido fosfolipase C. A isoforma 1 está ausente nos leucocitos do sangue periférico (mentres que a isoforma 2 se expresa só na placenta, pulmóns e bazo). A PLCE1 sobrexprésase durante os ataques cardíacos.[5]

Os defectos en PLCE1 son causa da síndrome nefrótica tipo 3 (NPHS3), que consiste nun mal funcionamento da filtración glomerular renal que provoca proteinuria, hipoalbuminemia e edema.[5]

Función

A PLCE1 pertence á familia das fosfolipases, as cales catalizan a hidrólise de polifosfoinosítidos como o fosfatidilinositol-4,5-bisfosfato (PtdIns(4,5)P2) para xerar os segundos mensaxeiros Ins(1,4,5)P3 e diacilglicerol. Estes produtos inician unha fervenza de respostas intracelulares que ten como resultado o crecemento celular e diferenciación e expresión xénica.[3]

Tamén regula as GTPases pequenas da superfamilia RAS a través da actividade do factor de intercambio RAS-guanina que posúe. Como efector da proteína G pequena heterotrimérica, pode desempeñar un papel na supervivencia celular, crecemento celular, organización da actina e activación das células T.[5]

Características

Contén os seguintes dominios:[5]

Utiliza como cofactor o calcio. É activada polas subunidades GNA12, GNA13 e GNB1 a GNG2 da proteína G heterotrimérica. É activada por HRAS, RAP1A, RHOA, RHOB, RHOC, RRAS e RRAS2. Así mesmo é activada polos receptores acoplados á proteína G(s) ADRB2, PTGER1 e CHRM3 por medio da formación de AMP cíclico e RAP2B. É inhibida polos receptores acoplados á proteína G(i). Interacciona con IQGAP1 e RAP2A.[5]

Notas

Modelo:Listaref

Véxase tamén

Bibliografía

Modelo:PDB Gallery

Modelo:Control de autoridades

  1. ↑ Modelo:Cita publicación periódica
  2. ↑ Modelo:Cita publicación periódica
  3. ↑ 3,0 3,1 Modelo:Cita web
  4. ↑ Modelo:Cita web
  5. ↑ 5,0 5,1 5,2 5,3 5,4 Modelo:Cita web
Obtido de «https://gl.wiki.beta.math.wmflabs.org/w/index.php?title=PLCE1&oldid=1122»