Movemento rectilíneo uniforme

Movemento rectilíneo uniforme. Representación gráfica da posición, velocidade e aceleración dun móbil en función do tempo.

O movemento rectilíneo uniforme dun punto en relación a un referencial S ten lugar cando nese mesmo espazo o punto se move en liña recta con velocidade constante, é dicir, con aceleración nula.

En termos matemáticos, se $\overrightarrow{r_{(t)}}$ for a posición do punto e $t$ o tempo:

$\frac{d\overrightarrow{r}}{dt}=\overrightarrow{v}=constante$ ou $\overrightarrow{a}=\frac{d\overrightarrow{v}}{dt}=\frac{d^2\overrightarrow{r}}{d{t}^2}=\overrightarrow{0}$

A distancia percorrida calcúlase multiplicando a magnitude da velocidade polo tempo transcorrido. Esta relación tamén é aplicable se a traxectoria non é rectilínea, con tal que a velocidade sexa constante.

A velocidade pode ser nula (repouso), positiva ou negativa. Polo tanto, o movemento pode ter dous sentidos; unha velocidade negativa representa un movemento en dirección contraria ao sentido que teñamos aceptado como positivo.

O MRU caracterízase por:

• Movemento que se realiza sobre unha liña recta.
• Velocidade constante; implica magnitude e dirección constantes.
• Aceleración nula.

Ecuacións do movemento

Sabemos que a velocidade $v$ é constante; isto significa que non existe aceleración.

Entón, a posición $x$ no instante $t$ vén dada por:

$x=x_0+vt$

onde $x_0$ é a posición inicial.

Representación gráfica do MRU

Na representación da gráfica da velocidade en función do tempo obtense unha recta paralela ás abscisas (tempo). Ademais, a área baixo a recta producida representa a distancia percorrida.

A representación gráfica da distancia andada en función do tempo dá lugar a unha recta que ten como pendente o valor da velocidade.

Véxase tamén

Bibliografía

• Modelo:Cita libro Modelo:Es

Outros artigos

• Cinemática
• Movemento rectilíneo
• Movemento rectilíneo uniformemente acelerado

Ligazóns externas

• Movemento rectilíneo uniforme Modelo:Es