Máis-menos

Modelo:Puntuación O sinal máis-menos (Modelo:Unicode) é un símbolo matemático empregado con distintos significados tamén noutros campos. Outro símbolo relacionado con este é o menos-máis (∓).

Historia

Unha versión do signo, coa palabra francesa "ou", aparece nunha obra de Albert Girard de 1626 e o signo na forma moderna foi empregado por William Oughtred en Clavis Mathematicae, en 1631.

Usos

En Matemáticas indica que un número ou unha expresión pode tomar dous valores, un positivo e un negativo, como na solución da ecuación x² = 1, que é x = ±1, é dicir, x = +1 ou x = –1.

Nalgúns casos emprégase para resumir dúas ecuacións, como na fórmula para resolver ecuacións de segundo grao: :$x=\frac{-b\pm \sqrt{b^2-4ac}}{2a}.$ que describe as dúas solucións da ecuación ax² + bx + c = 0.

Do mesmo xeito as dúas fórmulas trigonométricas

$\cos (A+B)=\cos (A)\cos (B)-\sin (A)\sin (B)$

$\cos (A-B)=\cos (A)\cos (B)+\sin (A)\sin (B)$

poden resumirse con

$\cos (A\pm B)=\cos (A)\cos (B)\mp \sin (A)\sin (B)$

En Estatística e outras ciencias experimentais indica o erro aleatorio ou erro nunha medida, no caso da estatística a miúdo o desvío estándar.

En xadrez o símbolo ± indica vantaxe para o xogador branco, mentres o símbolo ∓ representa vantaxe para o xogador negro.

Véxase tamén

• Signos máis e menos
• Símbolos matemáticos