Reactancia

Na electrónica, denomínase reactancia a oposición ofrecida por indutores (bobinas) e condensadores ao paso da corrente alterna, medíndose o seu valor en ohmios. Canda a resistencia eléctrica determinan a magnitude da impedancia total dun compoñente ou circuíto, de tal xeito que a reactancia (X) é a parte imaxinaria da impedancia (Z) e a resistencia (R) é a parte real, segundo a igualdade:

$Z=R+jX$

Tipos de reactancias

Cando circula corrente alterna por algún destes dous elementos que posúen reactancia, a enerxía é alternativamente almacenada e liberada en forma de campo magnético, no caso das bobinas, ou de campo eléctrico, no caso dos condensadores. Isto produce un adianto ou atraso entre a onda de corrente e a onda de tensión. Este desfase fai diminuír a potencia entregada a unha carga resistiva conectada logo da reactancia sen consumir enerxía.

Se se realiza unha representación vectorial da reactancia indutiva e da capacitiva, os vectores que a constitúen deberíanse debuxar en sentido oposto e sobre o eixo imaxinario, xa que as impedancias calcúlanse como $j{X}_L$ e $-j{X}_C$ respectivamente.

Non obstante, as bobinas e condensadores na realidade presentan unha resistencia asociada, que no caso das bobinas considérase en serie co elemento, e no caso dos condensadores en paralelo. Neses casos, e como xa se indicou arriba, a impedancia (Z) total é a suma vectorial da resistencia (R) e a reactancia (X).

É dicir, en fórmulas:

$\tilde{Z}=R+jX$

onde

j é a unidade imaxinaria

$X=(W_L-1/W_C)$ é a reactancia en Ohm.

W é a frecuencia angular á cal está sometido o elemento, e L e C os valores de indutancia e capacitancia respectivamente.

Dependendo do valor da enerxía e a reactancia dise que o circuíto presenta:

• Se $X>0$, reactancia indutiva $(W_L>1/W_C)$
• Se $X=0$, non hai reactancia e a impedancia é puramente resistiva $(W_L=1/W_C)$
• Se $X<0$, reactancia capacitiva $(1/W_C>W_L)$

Reactancia capacitiva

A reactancia capacitiva represéntase por $X_C$ e o seu valor vén dado pola fórmula: Modelo:Ecuación na que:

$X_C$ = Reactancia capacitiva en ohms
$C$ = Capacitancia en farads
$f$ = Frecuencia en hertzs
$\omega$ = Frecuencia angular

Reactancia indutiva

A reactancia indutiva represéntase por $X_L$ e o seu valor vén dado por: Modelo:Ecuación na que:

$X_L$ = Reactancia indutiva en ohms
$L$ = Indutancia en henrys
$f$ = Frecuencia en hertzs
$\omega$ = Frecuencia angular

Véxase tamén

Outros artigos

• Condutancia
• Admitancia
• Susceptancia

Ligazóns externas

• Tutorial interactivo en Java sobre a reactancia indutiva National High Magnetic Field Laboratory. Modelo:En