Media harmónica

Construción xeométrica para atopar as medias aritmética (A), cadrática (Q), xeométrica (G) e harmónica (H) de dous números a e b.

A media harmónica , representada por H, dunha cantidade finita de números é igual ao recíproco, ou inverso, da media aritmética dos recíprocos de ditos números.

Así, dados os números a₁,a₂, ... , a_n, a media harmónica será igual a:

$H=\frac{n}{\sum _{i=1}^n\frac{1}{a_i}}=\frac{n}{(\frac{1}{a_1}+\cdots +\frac{1}{a_n})}$

A media harmónica resulta pouco influída pola existencia de determinados valores moito máis grandes que o conxunto dos outros, sendo en cambio sensible a valores moito máis pequenos que o conxunto.

A media harmónica non está definida no caso da existencia no conxunto de valores nulos.

Outras medias estatísticas son a media xeométrica, a media aritmética e a media ponderada.