Conxunto aberto

En topoloxía, dise que un conxunto é aberto se unha pequena variación dun punto dese conxunto manteno no conxunto.

Definición en espazos topolóxicos

Modelo:Artigo principal En topoloxía o concepto de aberto é básico: unha topoloxía T nun conxunto X é definida como un subconxunto do conxunto das partes de X (satisfacendo determinadas propiedades), e cada elemento de T chámase aberto ou conxunto aberto.

Abertos nun espazo métrico

Modelo:Artigo principal Un subconxunto dun espazo métrico $X$ é aberto se, para cada punto $a\in X$, existe $ϵ>0$ tal que a bóla aberta $B(a,ϵ)$ está contida en $X$.

Propiedades

• Nun espazo topolóxico ou espazo métrico X, o conxunto baleiro e o propio conxunto X son abertos.
• Un conxunto é aberto se e só se coincidir co seu interior.
• Un conxunto é aberto se e só se o seu complementario for pechado.
• A intersección de dous conxuntos abertos é un conxunto aberto.
• A unión de calquera cantidade (mesmo infinita) de conxuntos abertos é un conxunto aberto.

Abertos de $ℝ$

Como $ℝ$ (coa topoloxía usual) é un espazo métrico, un subconxunto $X$ de $ℝ$ é aberto se, para cada punto $a\in ℝ$, existe $ϵ$ tal que $(a-ϵ,a+ϵ)\subset X$.

En $ℝ$, un subconxunto é aberto se e só for reunión (posiblemente infinita) de intervalos abertos. O propio conxunto dos números reais é un conxunto aberto.