Número de Schmidt

O número de Schmidt é un número adimensional definido como a relación entre a difusión de cantidade de movemento (viscosidade cinemática) e a difusión de materia (difusividade). Utilízase para caracterizar os fluxos nos que hai difusión e convección de cantidade de movemento e de materia de forma simultánea. Recibe o seu nome do enxeñeiro alemán Ernst Heinrich Wilhelm Schmidt (1892-1975).

Exprésase como o cociente da viscosidade cinemática (que representa a difusión de cantidade de movemento) e a difusividade másica. Así, relaciona o espesor relativo das capas límite hidrodinámica e de materia.
Aparece en numerosas correlacións empíricas ou semiempíricas que permiten determinar o número de Sherwood a partir do número de Reynolds e do número de Schmidt.

Defínese como:

$𝑆𝑐=\frac{\nu }{D}=\frac{\mu }{\rho D}=\frac{\text{difusión de cantidade de movemento}}{\text{difusión másica}}$

onde:

• $\nu$ é a viscosidade cinemática ou ($\mu$/$\rho$) de unidades (m²/s)
• $D$ é a difusividade (m²/s).
• $\mu$ é a viscosidade dinámica do fluído (Pa·s or N·s/m² or kg/m·s)
• $\rho$ é a densidade do fluído (kg/m³)

O número de Schmidt é o equivalente en transferencia de materia do número de Prandtl.