Escala de Palermo

A Escala Técnica de Ameaza de Impacto de Palermo (en inglés Palermo Technical Impact Hazard Scale) é unha escala de tipo logarítmica (base 10) cuxa función é medir o risco de impacto dun obxecto próximo á terra (NEO, do inglés Near Earth Object). Serve para comparar a probabilidade de impacto potencial dun obxecto detectado co risco medio doutro obxecto de igual ou superior tamaño segundo o tempo que falta ata o impacto potencial previsto.

Existe outra escala similar chamada Escala de Turín, que toma valores discretos (niveis 0-12) co que facilita a súa comprensión ao ser menos técnica e que está orientada cara a xente con menos coñecementos teóricos.

Os valores que pode tomar a escala de Palermo son de carácter continuo a diferenza da escala de Torino. O valor -2 significa que só existe un 1% do risco medio de impacto. O valor 0 indica que a probabilidade de impacto é a mesma que a probabilidade do risco medio. O valor 2 indicaría que a probabilidade de impacto é 100 veces superior ao risco medio.

Fórmula

A fórmula de cálculo da escala de Palermo é: $P={\log }_{10}\frac{p_i}{f_{B}T}$

• sendo $p_i$ a probabilidade de impacto,
• $T$ é o período que falta ata o evento,
• e $f_B$ é a frecuencia anual de impacto. Actualmente está estimada en: $f_B=0.03E^{-0.8}$

Notas

• Steven R. Chesley, Paul W. Chodas, Andrea Milani, Giovanni B. Valsecchi et Donald K. Yeomans, "Quantifying the Risk Posed by Potential Earth Impacts", Icarus, 2002, p. 423-432

Véxase tamén

Ligazóns internas

• Cráter
• Chuvia de meteoros
• Evento de Tunguska
• Evento K-T

Ligazóns externas

• Descrición da escala de Palermo Modelo:En: Palermo ScaleModelo:Webarchive