RSA

RSA é un sistema criptográfico con clave pública. Recibe este nome pola inicial do apelido dos seus inventores: Ronald Rivest, Adi Shamir e Leonard Adleman.

Características

O algoritmo deseñárono no 1977 por tres científicos do Instituto de Tecnoloxía de Massachusetts: Ronald Rivest, Adi Shamir e Len Adleman. Clifford Cocks, un experto en matemáticas que traballaba para Government Communications Headquarters, desenvolvera un algoritmo similar nun documento interno en 1973, mais non chegou a implementarse debido ós altos custos do procesamento de datos da época. Este ensaio foi coñecido en 1997 debido a que se clasificara coma confidencial. O MIT patentou o algoritmo en 1983 nos Estados Unidos coa patente 4.405.829, que expirou no ano 2000.

Todo usuario de dito sistema fai pública unha clave de cifrado e oculta unha clave de descifrado. Unha chave é un número de gran tamaño, que unha persoa pode conceptualizar como unha mensaxe dixital, como un ficheiro binario ou como unha cadea de bits ou bytes. Cando se envía unha mensaxe, o emisor procura a clave pública de cifrado do receptor e unha vez que dita mensaxe chega ó receptor, este ocupase de descifralo usando a súa clave oculta. As mensaxes enviadas usando o algoritmo RSA represéntanse mediante números e o funcionamento baséase no produto de dous números primos grandes (maiores que 10100) elixidos ó azar para conformar a clave de descifrado. A seguridade deste algoritmo radica en que non hai maneiras rápidas de factorizar un número grande nos seus factores primos utilizando ordenadores tradicionais. A computación cuántica podería prover unha solución a este problema de factorización.

Xeración de claves

• A xeración de claves en RSA levase a cabo da maneira seguinte:

1. Selecciónanse dous números primos $p$ e $q$ de maneira que $p\ne q$.
2. Calcúlase $n=pq$.
3. Calcúlase $\varphi (n)=(p-1)(q-1)$.
4. Selecciónase un enteiro positivo $e$ tal que o $1<e<\varphi (n)$ tales que $e$ e $\varphi (n)$ sexan Primos entre si.
5. Calcúlase $d$ tal que $de\equiv 1(\mathrm{mod}\varphi (n))$.
6. A clave privada será $d$ e a clave pública será $e$. *Adicionalmente o parámetro $n$ debe facerse público.

Véxase tamén

Outros artigos

• Criptoloxía
• Teoría da complexidade computacional
• Criptografía asimétrica
• Firma dixital cega

Ligazóns externas

• Algoritmo RSA
• Ataques RSA I
• Discusión sobre o Algoritmo RSA
• PKCS #1: RSA Cryptography Standard (Sitio oficial de RSA Laboratories )
• A Method for Obtaining Digital Signatures and Public-Key Cryptosystems, O documento da revista Communications of the ACM, Vol. 21 (2), 1978, páxinas 120–126 escrtia por R. Rivest, A. Shamir e L. Adleman, Posterior ó "Technical Memo" de abril de 1977.
• Unha introdución a RSA, M. Griep, outubro de 2002