Farad

O farad (símbolo F), ás veces galeguizado como faradio, é a unidade do SI de capacitancia (capacidade). O seu nome foi dado en homenaxe á Michael Faraday. Un capacitor ten a capacitancia de 1 farad se 1 coulomb de carga eléctrica causa unha diferenza de potencial de 1 volt nos seus bornes (extremos). A súa expresión equivalente noutras unidades SI é:

$\text{C}\cdot {\text{V}}^{-1}={\text{m}}^{-2}\cdot {\text{kg}}^{-1}\cdot {\text{s}}^4\cdot {\text{A}}^2$

Xa que o farad é unha unidade moi grande, valores de capacitores son xeralmente expresados en microfarads (μF), nanofarads (nF), ou picofarads (pF). O milifarad é raramente usado na práctica, entón unha capacitancia de 4,7×10⁻³ F, por exemplo, escríbese xeralmente como 4 700 μF.

O farad non debe ser confundido co faraday, unha unidade de carga antiga que hoxe foi substituída polo coulomb.