Ver o código fonte de «Paisaxe de enerxía»

En [[física]], [[química]] e [[bioquímica]], unha '''paisaxe de enerxía''' (''energy landscape'') é un mapa de todas as posibles conformacións dunha entidade molecular, ou as posicións especiais de moléculas que interaccionan nun sistema, e os seus correspondentes niveis de enerxía, tipicamente [[enerxía libre de Gibbs]].

As paisaxes de enerxía son útiles cando se examina o [[pregamento de proteínas]]. Aínda que unha proteína pode existir teoricamente nun número case infinito de conformacións ao longo da súa paisaxe de enerxía, en realidade as proteínas préganse (ou "reláxanse") en estruturas [[estrutura secundaria das proteínas|secundarias]] e [[estrutura terciaria das proteínas|terciarias]] que posúen a [[enerxía libre termodinámica|enerxía libre]] menor posible. O concepto chave ao estudar o pregamento das proteínas por medio de paisaxes de enerxía é a hipótese do [[funil de pregamento]] (''folding funnel'').

En modelos para estudar o [[vidro]], o [[mínimo local]] dunha paisaxe de enerxía corresponde a [[estado termodinámico|estados]] de baixa temperatura [[metaestabilidade|metaestables]] dun sistema [[termodinámica|termodinámico]].<ref>{{Cita libro |last=Wales |first=David J. |title=Energy Landscapes |publisher=Cambridge University Press |year=2003 |page=68 |isbn=0-521-81415-4 |url=http://books.google.com/books?id=YQrB6s3LALEC}}</ref>

== Definición formal ==

Matematicamente, unha paisaxe de enerxía é unha [[función continua]] <math>f : X \to \mathbb{R}</math> que asocia cada estado físico cunha enerxía, onde <math>X</math> é un [[espazo topolóxico]].

No caso continuo, <math>X = \mathbb{R}^n</math>, onde <math>n</math> é o número de [[grao de liberdade (física e química)|graos de liberdade]] do sistema. O gráfico dunha paisaxe de enerxía continuo é unha [[hipersuperficie]] en <math>\mathbb{R}^{n+1}</math>.

Os montes e vales nas paisaxes de enerxía corresponden a máximos e mínimos locais de <math>f</math>, respectivamente.

=== Exemplo macroscópico ===

Unha bisagra ben aceitada que se mova ben ten un grao de liberdade, polo que a súa paisaxe de enerxía é unha función <math>f : \mathbb{R} \to \mathbb{R}</math>. Se a bisagra dunha porta non foi colocada perfectamente, a porta pode moverse e cerrarse soa, ou abrirse, ou quedar parada nun ángulo determinado parcialmente aberta, se a deixamos que se mova libremente. Estes ángulos corresponden a estados de mínima enerxía do sistema, que serían os vales na paisaxe de enerxía.

== Notas ==
{{Listaref}}

{{Control de autoridades}}

[[Categoría:Bioquímica]]
[[Categoría:Estrutura das proteínas]]