Ver o código fonte de «Lipoproteína de baixa densidade»

As '''lipoproteínas de baixa densidade''' ou '''LDL''' (do inglés ''Low-density lipoproteins'') constitúen un dos cinco grandes grupos de [[lipoproteína]]s que circulan polo sangue transportando [[lípido]]s (os outros tipos son os [[quilomicron]]s, [[VLDL]], [[lipoproteína de densidade intermedia|IDL]], e [[HDL]]). As LDL teñen unha densidade que está entre a das VLDL e a das HDL. Todas as lipoproteínas son partículas globulares formadas por unha mestura de proteínas e lípidos coa parte externa [[hidrófilo|hidrófila]] e a interna [[hidrófobo|hidrófoba]], de tamaño moito menor que o dunha célula humana.<ref>{{Cita publicación periódica |author=Dashti M, Kulik W, Hoek F, Veerman EC, Peppelenbosch MP, Rezaee F.|title=A phospholipidomic analysis of all defined human plasma lipoproteins. |journal=Sci Rep. |volume=1 |issue=139  |year=2011|pmid=22355656 |doi=10.1038/srep00139 |pmc=3216620}}</ref><ref>{{Cita publicación periódica |author=Dashty M, Motazacker MM, Levels J, de Vries M, Mahmoudi M, Peppelenbosch MP, Rezaee F.|title=Proteome of human plasma very low-density lipoprotein and low-density lipoprotein exhibits a link with coagulation and lipid metabolism. |journal=Thromb Haemost. |volume=23 |issue=111 |pages=518–530 |year=2014|pmid=24500811 |doi=10.1160/TH13-02-0178}}</ref>

As LDL conteñen a proteína [[apolipoproteína B]] (ApoB) e transportan moléculas de [[colesterol]], [[fosfolípido]]s, e [[triglicérido]]s ao interior das células por vía sanguínea. A célula ten un receptor para captar a LDL e introducila dentro da célula. Cando a célula necesita unha cantidade adicional de [[colesterol]] para a síntese de membranas e outros produtos, sintetiza proteínas receptoras de LDL, que insire na [[membrana plasmática]]. Este receptor capta as LDL, que son internalizadas e despois levadas aos [[lisosoma]]s, onde se [[hidrólise|hidrolizan]] os ésteres de colesterol dando lugar a colesterol libre, que queda a disposición da célula. Este mecanismo regulado da absorción de colesterol está alterado nalgúns individuos que herdaron xenes defectuosos para a produción das proteínas receptoras de LDL, polo que nestes individuos o receptor de LDL está ausente ou é defectuoso, e, por tanto, as súas células non poden captar as LDL cargadas de colesterol, o que fai que estas se acumulen en maior concentración no [[sangue]].

As LDL poden supoñer un risco de desenvolver unha [[enfermidade cardiovascular]] cando invaden o [[endotelio]] dos vasos sanguíneos e son [[redox|oxidadas]], xa que as formas oxidadas son retidas máis doadamente polos [[proteoglicano]]s do endotelio. Unha complexa serie de reaccións bioquímicas regula a oxidación das partículas LDL, estimulada principalmente pola presenza de restos de células necróticas<ref name="rpi.edu"/> e [[radical libre|radicais libres]] no endotelio. O incremento da concentración das LDL no sangue está fortemente asociado cun aumento do desenvolvemento de [[aterosclerose]] na parede das arterias,<ref>http://www.nejm.org/doi/full/10.1056/NEJM198705283162204</ref> o que finalmente ten como resultado a rotura das placas, o que desencadea a formación de [[coagulación do sangue|coágulos]] no interior das arterias, que causa un estreitamento ou peche da súa [[lume (bioloxía)|luz]], orixinando [[enfermidades vasculares]], [[infarto de miocardio]], e outras complicacións vasculares.

As LDL denomínanse tamén '''"colesterol malo"''' porque o colesterol e outros lípidos que transportan no seu interior poden depositarse nas paredes das arterias polo mecanismo indicado, atraer a [[macrófago]]s, e orixinar aterosclerose. Ao contrario das LDL, outras lipoproteínas chamadas [[HDL]] denomínanse "colesterol bo" porque retiran as moléculas de lípidos da parede arterial.<ref>[http://www.americanheart.org/presenter.jhtml?identifier=180 LDL and HDL Cholesterol: What's Bad and What's Good?]</ref>

Denomínase '''colesterol LDL''' (LDL-C) a cantidade de colesterol que se estima conteñen como media as LDL nunha análise de sangue, calculada utilizando unha fórmula matemática.

Unha condición hereditaria na que hai altos niveis de LDL en sangue é a [[hipercolesterolemia familiar]].

== Bioquímica ==

=== Estrutura ===
As partículas de LDL miden aproximadamente 22&nbsp;nm de diámetro e teñen unha masa duns 3 millóns de [[dalton (unidade)|daltons]]. Como as LDL conteñen un número variable e cambiante de moléculas de ácidos graxos, presentan unha ampla distribución de tamaños e masas.<ref>{{Cita publicación periódica |author=Segrest JP, Jones MK, De Loof H, Dashti N |title=Structure of apolipoprotein B-100 in low density lipoproteins |journal=Journal of Lipid Research |volume=42 |issue=9 |pages=1346–67 |date=September 2001 |pmid=11518754 |url=http://www.jlr.org/cgi/pmidlookup?view=long&pmid=11518754 |apelidos= |data-acceso=15 de febreiro de 2015 |data-arquivo=12 de setembro de 2019 |url-arquivo=https://web.archive.org/web/20190912024800/http://www.jlr.org/content/42/9/1346.long |url-morta=yes }}</ref> A determinación da estrutura das LDL foi unha tarefa complicada debido á súa estrutura heteroxénea. Describiuse recentemente a estrutura dunha LDL á temperatura do corpo humano en condicións nativas, cunha resolución duns 16 [[ángstrom]]s utilizando microscopía crioelectrónica.<ref>{{Cita publicación periódica|author=Kumar V, Butcher SJ, Katrina O,Engelhardt P,Heikkonen J, Kaski K, Ala-Korpela M, Kovanen PT. |title=Three-Dimensional cryoEM Reconstruction of Native LDL Particles to 16Å Resolution at Physiological Body Temperature |journal=PLoS ONE |date=May 2011|pmid=21573056 |url=http://www.plosone.org/article/info%3Adoi%2F10.1371%2Fjournal.pone.0018841 |doi=10.1371/journal.pone.0018841 |pmc=3090388 |volume=6 |issue=5 |pages=e18841}}</ref> As partículas de LDL poden ser emulsificadas, e circulan polo sangue levando no seu interior ácidos graxos e outros lípidos por todo o corpo, que doutro modo non serían solubles directamente no sangue. Todas as partículas de LDL conteñen unha soa molécula de [[apolipoproteína]], concretamente da [[apolipoproteína B-100]] (Apo B-100), que é unha proteína de 4536 residuos de [[aminoácido]]s e unha masa de 514 [[dalton (unidade)|kDa]]), xunto con de 80 a 100 moléculas de proteínas secundarias adicionais. As LDL, igual que as outras lipoproteínas, teñen unha parte interna moi hidrofóbica que consta de [[ácido graxo|ácidos graxos]] poliinsaturados, como o [[ácido linoleico|linoleato]] e centos ou miles (xeralmente unhas 1500 como media) moléculas de [[colesterol]] [[éster do colesterol|esterificadas]] ou non esterificadas. Esta parte central contén tamén [[triglicérido]]s e outras graxas, rodeadas dunha capa de [[fosfolípido]]s e colesterol non esterificado. A parte externa da LDL é hidrófila, xa que nela se sitúan as partes hidrófilas das proteínas e dos fosfolípidos e colesterol non esterificado.

== Fisioloxía ==
[[Ficheiro:Itrafig2.jpg|miniatura|dereita|Un exemplo de [[endocitose mediada por receptor]] dependente de clatrina, como a utilizada para a absorción das LDL (boliñas azuis da figura).]]
As partículas LDL fórmanse a partir das [[VLDL]] (orixinadas no [[fígado]]), as cales se transforman ao perder triglicéridos pola acción do [[encima]] [[lipoproteína lipase]] (LPL) e fanse menores e máis densas (conteñen menos moléculas de lípidos dentro da mesma cuberta de proteínas), e pasan a ter unha maior proporción de ésteres do colesterol. Esta transformación ocorre no sangue e converte as VLDL en [[IDL (lipoproteína)|IDL]] e despois en LDL.<ref name="rpi.edu">{{Cita web |url=http://www.rpi.edu/dept/bcbp/molbiochem/MBWeb/mb2/part1/lipoprot.htm |título=Copia arquivada |data-acceso=15 de febreiro de 2015 |urlarquivo=https://web.archive.org/web/20170704082821/http://www.rpi.edu/dept/bcbp/molbiochem/MBWeb/mb2/part1/lipoprot.htm |dataarquivo=04 de xullo de 2017 |urlmorta=yes }}</ref>

=== Transporte ao interior da célula ===
Cando unha célula necesita unha cantidade adicional de colesterol, que supera á súa produción interna pola vía do [[3-hidroxi-3-metilglutaril-coencima A|HMGCoA]], empeza a sintetizar [[receptor de LDL|receptores de LDL]], e insíreos na súa membrana plasmática. Os receptores de LDL [[difusión|difunden]] libremente ata que se asocian coas [[Caveola|depresións revestidas]] de proteína [[clatrina]] da membrana. As partículas de LDL do torrente sanguíneo únense especificamente a estes receptores de LDL, e despois estas depresións invaxínanse e forman [[vesícula]]s de endocitose que se introducen na célula, levando o seu cargamento de lípidos e o receptor. Este proceso denomínase [[endocitose mediada por receptor]].

Despois a vesícula despréndese do seu recubrimento de clatrina, e fusiónanse cos [[endosoma]]s temperáns nos que libera a LDL e os receptores, despois a endosomas tardíos e a [[lisosoma]]s. Aquí son hidrolizados os ésteres do colesterol da LDL. Os receptores de LDL son reciclados, xa que se envían de volta á membrana plasmática. porén, se os receptores de LDL se unen a PCSK9, o transporte de receptores de LDL é redirixido aos lisosomas, onde son degradados.

=== Papel inmunitario ===
As [[LDL]] interfiren co sistema de [[percepción do quórum]] bacteriano que regula á alza os xenes necesarios para unha [[infección]] invasiva por ''[[Staphylococcus aureus]]''. O mecanismo do antagonismo implica a unión da [[apolipoproteína B]], á [[feromona]] [[autoindutor]]a de ''S. aureus'', o que impide que realice [[sinalización celular]] a través do seu receptor. Os ratos deficientes en apolipoproteína B son máis susceptibles a unha invasión bacteriana infectiva.<ref name="Apolipoprotein B Is an innate barrier against invasive Staphylococcus aureus infection">{{Cita publicación periódica|author=Peterson MM, Mack JL, Hall PR, et al. |title=Apolipoprotein B Is an innate barrier against invasive Staphylococcus aureus infection |journal=Cell Host & Microbe |volume=4 |issue=6 |pages=555–66 |date=December 2008 |pmid=19064256 |doi=10.1016/j.chom.2008.10.001 |pmc=2639768}}</ref>

=== Patróns dos subtipos de LDL ===
As partículas LDL varían no seu tamaño e densidade, e diversos estudos atoparon que se unha persoa presenta un patrón que teña maior cantidade de partículas LDL densas, chamado ''Patrón B'', iso equivale a ter un maior factor de risco para enfermidades cardíacas coronarias, comparado co que ten outra persoa que presente un patrón con maior cantidade de LDLs máis grandes e menos densas, chamado ''Patrón A''. Crese que isto se debe a que é máis fácil que as partículas máis pequenas penetren no [[endotelio]] dos vasos sanguíneos. Outro patrón, chamado ''Patrón I'' (I de ''intermedio''), indica que a maioría das partículas de LDL teñen un tamaño moi próximo ao dos ocos normais que hai no endotelio (26&nbsp;nm). Segundo un estudo, os tamaños de 19,0–20,5&nbsp;nm denomínanse Patrón B, e os de 20,6–22&nbsp;nm desígnanse como Patrón A.<ref>http://onlinelibrary.wiley.com/doi/10.1002/clc.4960280510/pdf</ref>

Algúns investigadores médicos suxeriron que a correspondencia entre o Patrón B e a enfermidade cardíaca coronaria é máis forte que a que ten a cantidade de LDL medida nas probas estándar de [[perfil lipídico]]. As probas que miden estes subtipos de patróns de LDL son máis caras e non están dispoñibles de forma xeral, polo que a proba de perfil lipídico común é a que máis se segue usando.<ref>{{Cita web|url=http://www.nbcnews.com/id/35058896/ns/health-heart_health/t/bad-cholesterol-its-not-what-you-think/|páxina-web=|título=Bad cholesterol its not what you think|data-acceso=27 de xuño de 2018|lingua=en|data-arquivo=18 de xuño de 2018|url-arquivo=https://web.archive.org/web/20180618125046/http://www.nbcnews.com/id/35058896/ns/health-heart_health/t/bad-cholesterol-its-not-what-you-think/|url-morta=yes}}</ref>

Tamén se atopou unha correspondencia entre maiores niveis de triglicéridos e maiores nives de partículas LDL máis pequenas e máis densas e alternativamente menores niveis de triglicéridos e maiores niveis de LDL máis grandes e menos densas (máis "boiantes" ou "flotantes").<ref name="pmid12417832">{{Cita publicación periódica|author=Superko HR, Nejedly M, Garrett B |title=Small LDL and its clinical importance as a new CAD risk factor: a female case study |url=https://archive.org/details/sim_progress-in-cardiovascular-nursing_fall-2002_17_4/page/167 |journal=Progress in Cardiovascular Nursing |volume=17 |issue=4 |pages=167–73 |year=2002 |pmid=12417832 |doi=10.1111/j.0889-7204.2002.01453.x}}</ref><ref name="Warnick"/>

Outro método de análise das subclases de lipoproteínas é a [[espectroscopia RMN]],<ref>{{Cita publicación periódica|author=Otvos J |title=Measurement of triglyceride-rich lipoproteins by nuclear magnetic resonance spectroscopy |journal=Clin Cardiol |volume=22 |issue=6 Suppl |pages=II21–7 |date=June 1999 |pmid=10376193 |doi= 10.1002/clc.4960221405|url=}}</ref> que distingue as subclases baseándose nas lixeiras diferenzas nas propiedades espectrais dos lípidos que transportan. As lipoproteínas ricas en triglicéridos orixinan a produción de LDL de tamaño e contido en colesterol anormais, e a cantidade destas partículas está asociada co risco de enfermidade coronaria e é subestimada nas probas de medida do colesterol convencionais.

== Probas de medición ==
As análises de sangue adoitan informar sobre o '''colesterol LDL''' (LDL-C): a cantidade de colesterol que se estima conteñen como media as LDL analizadas, utilizando a fórmula da [[ecuación de Friedewald]]. Nun contexto clínico, as estimacións calculadas matematicamente do LDL-C utilízanse comunmente para medir a cantidade de LDL que podería orixinar [[aterosclerose]]. O problema con este tipo de aproximacións é que os valores de LDL-C son xeralmente discordantes coas medicións directas de partículas LDL e coa velocidade real da progresión da aterosclerose.

Poden tamén facerse medidas directas de LDL, que revelan mellor as particularidades do paciente, pero que se fan menos frecuentemente porque o seu custo é algo maior. Por exemplo, a medida directa de partículas LDL por [[resonancia magnética nuclear]] (RMN) considérase que mide mellor o risco individual de episodios vasculares.<ref>John D. Brunzell, MD, FACP, Michael Davidson, MD, FACC, Curt D. Furberg, MD, PhD, Ronald B. Goldberg, MD, Barbara V. Howard, PhD, James H. Stein, MD, FACC, FACP and Joseph L. Witztum, MD Lipoprotein Management in Patients With Cardiometabolic Risk, J Am Coll Cardiol, 2008; 51:1512-1524. [http://content.onlinejacc.org/cgi/content/full/j.jacc.2008.02.034#BIB25] {{Webarchive|url=https://web.archive.org/web/20120227102644/http://content.onlinejacc.org/cgi/content/full/j.jacc.2008.02.034#BIB25 |date=27 de febreiro de 2012 }}</ref>

=== Estimación de partículas LDL polo contido de colesterol ===
As medidas clínicas da concentración de lípidos son unhas das análises clínicas máis usadas, non porque teñan a mellor correlación cos resultados individuais, senón porque os métodos de laboratorio necesarios son máis baratos e están máis xeneralizadamente dispoñibles.

O [[perfil lipídico]] non mide as partículas LDL. Só fai unha estimación delas usando a ecuación de Friedewald<ref name="Warnick">{{Cita publicación periódica |author=Warnick GR, Knopp RH, Fitzpatrick V, Branson L |title=Estimating low-density lipoprotein cholesterol by the Friedewald equation is adequate for classifying patients on the basis of nationally recommended cutpoints |journal=Clinical Chemistry |volume=36 |issue=1 |pages=15–9 |date=January 1990 |pmid=2297909 |url=http://www.clinchem.org/cgi/pmidlookup?view=long&pmid=2297909 |apelidos= |data= |revista= |data-acceso=15 de febreiro de 2015 |urlarquivo=https://web.archive.org/web/20190912024801/http://clinchem.aaccjnls.org/content/36/1/15.long |dataarquivo=12 de setembro de 2019 |urlmorta=yes }}</ref><ref name="pmid4337382">{{Cita publicación periódica |author=Friedewald WT, Levy RI, Fredrickson DS |title=Estimation of the concentration of low-density lipoprotein cholesterol in plasma, without use of the preparative ultracentrifuge |journal=Clinical Chemistry |volume=18 |issue=6 |pages=499–502 |date=June 1972 |pmid=4337382 |url=http://www.clinchem.org/cgi/pmidlookup?view=long&pmid=4337382 |apelidos= |data= |revista= |data-acceso=15 de febreiro de 2015 |urlarquivo=https://web.archive.org/web/20190912024805/http://clinchem.aaccjnls.org/content/18/6/499.long |dataarquivo=12 de setembro de 2019 |urlmorta=yes }}</ref>
ao restar a cantidade de colesterol asociado con outras partículas, como as [[HDL]] e [[VLDL]], asumindo un estado prolongado de [[xaxún]] e outras condicións, aplicando a fórmula:
:<math>L \approx C - H - kT</math>
:onde ''H'' é o colesterol HDL, ''L'' é o colesterol LDL, ''C'' é o colesterol total, ''T'' son os triglicéridos, e k vale 0,20 se as cantidades se miden en mg/dL e 0,45 se se miden en mmol/L.

Este método ten limitacións, a máis notable é que as mostras deben obterse despois de 12 a 14 h de xaxún e que o colesterol LDL (LDL-C) non se pode calcular se os triglicéridos no plasma son >4,52&nbsp;mmol/L (400&nbsp;mg/dL). Mesmo a niveis de triglicéridos de 2,5 a 4,5&nbsp;mmol/L, esta fórmula considérase inexacta.<ref name="Sniderman">{{Cita publicación periódica|author=Sniderman AD, Blank D, Zakarian R, Bergeron J, Frohlich J |título=Triglycerides and small dense LDL: the twin Achilles heels of the Friedewald formula |xornal=Clinical Biochemistry |volume=36 |issue=7 |páxinas=499–504 |data=outubro 2003 |pmid=14563441 |doi=10.1016/S0009-9120(03)00117-6}}</ref> Se están elevados tanto o colesterol total coma os niveis de triglicéridos entón debe utilizarse unha fórmula modificada, coas cantidades medidas en mg/dL:
:<math>L = C - H - 0,16T</math>

Esta fórmula proporciona unha aproximación que é bastante exacta para a maioría da xente, asumindo que o sangue foi extraído despois dun xaxún de 14 horas ou máis, pero non revela a concentración real de partículas LDL porque a porcentaxe de moléculas de lípidos contida nas LDL correspondente ao colesterol varía, e pode haber unha variación de 8:1.

Porén, a concentración de partículas LDL, e en menor medida o seu tamaño, ten unha correlación máis forte e consistente co resultado clínico do individuo que a cantidade de colesterol contido nas LDL, mesmo se a estimación do colesterol LDL (LDL-C) é aproximadamente correcta. Hai probas e un recoñecemento crecente de que este tipo de medicións (concentración, tamaño) teñen unha correlación lixeiramente máis forte coa progresión da aterosclerose e os episodios cardiovasculares que as obtidas usando medidas químicas da cantidade de colesterol transportado polas LDL.<ref>http://www.liposcience.com/userfiles/content/files/weightofevidence.pdf{{Ligazón morta|data=agosto de 2018 }}</ref> É posible que as concentración de colesterol LDL sexan baixas, pero o número de partículas LDL sexa alto e as taxas de episodios cardiovasculares sexan altas. En correspondencia, é posible que a concentración de colesterol LDL sexa ralativamente alta, pero o número de partículas LDL sexa baixo e os episodios cardiovasculares tamén. Se se utiliza a concentración de partículas LDL para predicir episodios cardiovasculares, moitos outros correlatos destes resultados clínicos, como [[diabetes mellitus]], [[obesidade]] e o costume de fumar, perden a maior parte da súa precisión preditiva.

==== Rangos normais ====
A seguinte táboa é unha guía dada en 2005 polos [[National Institutes of Health|NIH]] dos Estados Unidos e outras institucións sobre os niveis de colesterol LDL, estimados ou medidos, o risco asociado de enfermidades coronarias e a súa interpretación.<ref>
{{Cita web
| url=http://www.americanheart.org/presenter.jhtml?identifier=4500
| title=Cholesterol Levels
| publisher=American Heart Association
| accessdate=2009-11-14
}}</ref><ref>
{{Cita web
| url=http://www.americanheart.org/downloadable/heart/119618151049911%20CholLevels%209_07.pdf
| title=What Do My Cholesterol Levels Mean?
| publisher=American Heart Association
| format=PDF
| date=September 2007
| accessdate=2009-11-14
}}</ref><ref>
{{Cita web
|url=http://www.nhlbi.nih.gov/guidelines/cholesterol/atp3xsum.pdf
|title=Third Report of the National Cholesterol Education Program (NCEP) Expert Panel on Detection, Evaluation, and Treatment of High Blood Cholesterol in Adults (Adult Treatment Panel III) Executive Summary
| date=May 2001
| work=National Heart, Lung, and Blood Institute (NHLBI)
| publisher=National Institutes of Health
}}</ref>

{| class="wikitable"
! Nivel mg/dL
! Nivel [[mol (unidade)|mmol]]/L
! Interpretación
|-
| 25 a <50
| <1,3
| Colesterol LDL óptimo, niveis atopados en nenos saudables antes de calquera inicio de formación de placas ateroscleróticas nas paredes arteriais
|-
| <70
| <1,8
| Colesterol LDL óptimo, correspondente a taxas máis baixas de progresión, recomendados como un nivel ao que teñen que chegar aquelas persoas nas que claramente avanzaron os síntomas de enfermidade cardiovascular
|-
| <100
| <2,6
| Colesterol LDL óptimo, correspondente a taxas máis baixas, pero non cero, de eventos de enfermidades cardiovasculares
|-
| 100 a 129
| 2,6 a 3,3
| Nivel de LDL case óptimo, correspondente a taxas máis altas de desenvolver eventos de enfermidades cardiovasculares sintomáticos
|-
| 130 a 159
| 3,3 a 4,1
| Nivel de LDL próximo ao nivel alto, correspondente a taxas aínda máis altas de desenvolver eventos de enfermidades cardiovasculares sintomáticos
|-
| 160 a 199
| 4,1 a 4,9
| Nivel de LDL alto, correspondente a taxas moito  maiores de desenvolver eventos de enfermidades cardiovasculares sintomáticos
|-
| >200
| >4,9
| Nivel de LDL moi alto, correspondente ás taxas máis altas de eventos de enfermidades cardiovasculares sintomáticos
|}

Co tempo, ao facérense máis investigacións clínicas, estes niveis recomendados foron mesmo reducíndose, porque a redución de LDL, mesmo a niveis anormalmente baixos, foi a estratexia máis efectiva para reducir a taxa de mortes por causas cardiovasculares nun amplo ensaio clínico aleatorizado de [[dobre cego]] en homes con hipercolesterolemia;<ref name="pmid7566020 ">{{Cita publicación periódica|author=Shepherd J, Cobbe SM, Ford I, et al. |title=Prevention of coronary heart disease with pravastatin in men with hypercholesterolemia. West of Scotland Coronary Prevention Study Group |journal=The New England Journal of Medicine |volume=333 |issue=20 |pages=1301–7 |date=novembro de 1995 |pmid=7566020 |doi=10.1056/NEJM199511163332001}}</ref> e foi moito máis efectiva que a anxioplastia coronaria (con [[stent]]) ou a cirurxía de bypass.<ref>{{Cita publicación periódica|author=William E. Boden, M.D., et al. |title=Optimal Medical Therapy with or without PCI for Stable Coronary Disease |journal=The New England Journal of Medicine |volume=356 |pages=1503–1516|date=April 2007 |DOI= 10.1056/NEJMoa070829 |pmid=17387127 |issue=15}}</ref>

Non obstante, hai tamén publicacións<ref>[http://www.ncbi.nlm.nih.gov/pubmed/18000291 Low serum LDL cholesterol levels and the risk of fever, sepsis, and malignancy.]</ref> sobre os riscos de ter un nivel de colesterol LDL moi baixo.

=== Medición directa das concentracións de partículas LDL ===
Hai varios métodos que se poden usar para medir a concentración e tamaño das partículas lipoproteicas. As evidencias indican que a metodoloxía RMN (desenvolvida, automatizada e abaratada e afinada en precisión por [[Jim Otvos]] e asociados) dá moi bos resultados para previr o risco de aterosclerose.<ref>{{Cita publicación periódica|pmid= | doi= | volume=235 | issue=2 | title=Cardiovascular risk in patients achieving low-density lipoprotein cholesterol and particle targets |date=August 2014 | author=Peter P. Toth, Michael Grabner, Rajeshwari S. Punekar, Ralph A. Quimbo, Mark J. Cziraky, Terry A. Jacobson | journal=Atherosclerosis. | pages=585–591}}</ref><ref>{{Cita publicación periódica|pmid=20531184 | doi=10.1097/MOL.0b013e32833b7756 | volume=21 | issue=4 | title=Lipoprotein subfractions and cardiovascular disease risk |date=August 2010 | author=Krauss RM | journal=Current Opinion in Lipidology | pages=305–11}}</ref><ref>{{Cita web |url=http://content.onlinejacc.org/cgi/content/full/j.jacc.2008.02.034 |título=Copia arquivada |data-acceso=15 de febreiro de 2015 |urlarquivo=https://web.archive.org/web/20120227102644/http://content.onlinejacc.org/cgi/content/full/j.jacc.2008.02.034 |dataarquivo=27 de febreiro de 2012 |urlmorta=yes }}</ref> Usando o método de RMN, as concentracións de partículas LDL totais, en nmol/L de plasma, divídense normalmente en percentís referidos a 5.382 homes e mulleres, que non están recibindo medicación, e que participaron no ensaio MESA, realizado nos Estados Unidos.<ref>[http://www.mesa-nhlbi.org/]</ref>

==== Rangos óptimos ====
As concentracións de partículas LDL clasifícanse normalmente por percentís, <20%, 20–50%, 50–80%, 80–95% a >95%. No amplo estudo MESA obtivéronse estes resultados:

{| class="wikitable"
! Percentil de MESA
! partículas LDL [[mol (unidade)|nmol]]/L
! Interpretación
|-
| 0–20%
| <1.000
| Corresponde aos que tiñan unha taxa de eventos de enfermidade cardiovascular máis baixa e unha concentración de partículas LDL baixa (óptima)
|-
| 20–50%
| 1.000–1.299
| Corresponde aos que tiñan taxas moderadas de eventos de enfermidades cardiovasculares e unha concentración de partículas LDL moderada
|-
| 50–80%
| 1.300–1.599
| Corresponde aos que tiñan unha taxa próxima a chegar ao nivel alto de eventos de enfermidades cardiovasculares e concentracións de partículas LDL maiores
|-
| 89–95%
| 1.600–2.000
| Corresponde aos que tiñan unha taxa alta de eventos de enfermidades cardiovasculares e concentracións de partículas LDL incluso maiores
|-
| >95%
| >2.000
| Corresponde aos que tiñan unha taxa moi alta de eventos de enfermidades cardiovasculares e a concentración maior de todas de partículas LDL
|}

A incidencia baixa de aterosclerose ao longo do tempo dábase no grupo de poboación <20%, e esta incrementábase nos grupos dos percentís máis altos. Outras moitas medidas que se proporcionan habitualmente inclúen os tamaños das partículas, concentracións de partículas LDL pequenas, concentracións de partículas [[HDL]] grandes e totais, xunto con estimacións do patrón de [[resistencia á insulina]] e as medidas de colesterol estándar (para comparar cos datos no plasma obtidos con outros métodos).

== Notas ==
{{Listaref}}

== Véxase tamén ==
=== Outros artigos ===
* [[Catequina]]
* [[Colesterol]]
* [[HDL]]
* [[Receptor de LDL]]
* [[Perfil lipídico]]
* [[Lipoproteína]]
* [[Graxa saturada]]
* [[Éster do colesterol]]
* [[Triglicérido]]
* [[Vitamina A]]
* [[Vitamina C]]
* [[Vitamina E]]

=== Ligazóns externas ===
* [http://www.youtube.com/watch?v=XPguYN7dcbE Degradación de graxas (LDL)]: PMAP (animación)
* [https://web.archive.org/web/20050524010904/http://www.nhlbi.nih.gov/guidelines/cholesterol/atp3_rpt.htm Informe completo do Panel de Tratamento de Adultos III]
* [https://web.archive.org/web/20140202053506/http://www.nhlbi.nih.gov/guidelines/cholesterol/atp3upd04.htm ATP III actualización de 2004]
* {{Cita publicación periódica|author=O'Keefe JH, Cordain L, Harris WH, Moe RM, Vogel R |title=Optimal low-density lipoprotein is 50 to 70 mg/dl: lower is better and physiologically normal |url=https://archive.org/details/sim_journal-of-the-american-college-of-cardiology_2004-06-02_43_11/page/n322 |journal=Journal of the American College of Cardiology |volume=43 |issue=11 |pages=2142–6 |date=June 2004 |pmid=15172426 |doi=10.1016/j.jacc.2004.03.046}}

{{Metabolismo das lipoproteínas}}

{{Control de autoridades}}

[[Categoría:Cardioloxía]]
[[Categoría:Lipoproteínas]]